صورة مين دة
لو عمالين تلاقوا الصورة دي طالعالكم وانتوا مش عارفين في إيه
صورة مين دة ؟
تعالوا اقولكم السوشيال مديا مقلوب من الصبح على ايه ؟
ده شيخ اسمه صلاح الدين التيجاني... شيخ طريقة وله اتباع ومريدين ومدد يا شيخ وكده
وأسر كتير من مستويات مختلفة بتتعامل معاه أنه رب البيت ... بيربي ولادهم دينيا وبيقعد يدي دروس للستات وهكذا
فيه بنت متربية على أيده من وهي طفلة وأهلها بيثقوا فيه ثقة عمياء ...طلعت وقالت إنه بقاله سنين بيبعت لها رسائل جنsية وأنه كان بيخليها تكلم ابنه على أساس تعارف وهيجوزها لابنه واستمر الوضع سنين
وهي بقت تتعالج نفسيا من الصدمات اللي حصلت لها بسببه
 |
| الشيخ صلاح التيجاني |
قامت مامة البنت كتبت بوست كله تمجيد في الشيخ وإنه بيربي بنتها وبيدخل بيتهم من سنين طويلة وأنها كانت بتحبه وبتلجأ له بسبب قسوة باباها وان البنت بتتعالج نفسيا وكلامها لا يؤخذ على محمل الجد
قوم رواد الفيس بوك دخلوا صفحته ولقوا مشاهير كتير بيمجدوا فيه في الكومنتات بكلام من أمثال انت النور انت تاج راسنا مدد يا شيخ وبحبك يا ابويا ..الخ
اه بالمناسبة والد البنت طلع وكتب بوست دعم ليها عكس بوست الام
وبس ده ملخص الحكاية اللي حاصلة من الصبح .
تعليقات