الرادارات الجديدة ITS في مصر
الرادارات الجديدة ITS فى مصر
الرادارات الجديده ITS صناعه مصريه بواسطه شركه السويدي ، الرادارات دي تعتبر طفره و قفزه حقيقيه في عالم المرور ،، الرادارات ليها فوائد عديده ممتازه منها مثلا أنها بتصور العربيه في بدايه و نهايه الطرق الصحراويه و تحسب السياره قطعت المسافه في وقت اد ايه و بكده تعرف هل حصل زياده في السرعه ولا السائق كان فعلا ملتزم مش فقط بتصور السياره و تعرف السرعه اللحظيه زي الرادارات الحاليه ، و غير أنها بتصور احزمه الامان - المحمول - القياده الخطره إلا أنها بتكشف علي التراخيص بتاعه العربيه بواسطه الملصق الالكتروني ،، الخبر الجميل و اكتر حاجه جديده و جميله حتحصل لما يبدأ تعميم الرادارات دي و تشغيلها بكامل طاقتها أنها حتخلينا نستغني تماما عن بوابات الطرق الصحراويه بتاعه تحصيل الرسوم و بالتالي حنستغني عن الموظفين اللي قاعدين ملهمش لازمه و منهم موظفين كتير ياخدوا من السيارات نص رسوم العبور مقابل أنهم يعدوا السياره بدون قطع تذكره و اللي وصل ببعضهم الفساد لدرجه ان موظف مره طلب من قائد سياره سيجارتين مقابل أنه يسيبه يعدي ، و ده لان الرادارات دي بيكون راكب فيها اجهزه مجرد ما السياره تعدي من تحتها بتسحب من الملصق الالكتروني اللي متركب في زجاج السياره الامامي ثمن تذكره بوابات الطريق بطريقه الكترونيه و ده بعد شحن الملصق الالكتروني بكروت شحن زي كروت المحمول و بعد ما السياره تعدي من تحته و الرادار يسحب ثمن تذكره العبور يجيلك رساله علي المحمول تفيدك بسحب المبلغ و تحسبلك المبلغ المتبقي في محفظتك الالكترونيه علشان تشحن الملصق تاني قبل ما تعدي علي اي طريق صحراوي جديد و الا حيجيلك مخالفه ، و بكده كمان حنتفادي التزاحم اللي كتير بتلاقيه علي بوابات الرسوم بتاعه الطرق ببساطه لان السيارات حتعدي من تحت الرادارات دي بسرعه و حيتم الخصم بدون ما نتوقف او حتي نهدي السرعه ،، بالمناسبه التكنولوجيا دي موجوده في دول كتير منها مثلا دبي و اسمها هناك " سالك " ، تحيه كبيره لصاحب الفكر المتميز .
تعليقات